!!! କନ୍ଧମାଳ ଜିଲ୍ଲା ବାଲିଗୁଡ଼ା ରୁ ଉପଖଣ୍ଡ ପ୍ରତିନିଧି ମିଲନ କହଁର ଙ୍କ ରିପୋର୍ଟ୍ !!!
ଏଥର ସମ୍ଭାଳ (ଘୁ ଉଦୟଗିରି) – କନ୍ଧମାଳ ଜିଲ୍ଲା ଘୁ ଉଦୟଗିରି ସହରରେ ଷଷ୍ଠି ତିଥି ରୁ ଆରାଧ୍ୟ ଦେବୀ ମା ବଡ଼ରାଉଳ ଙ୍କ ପୂଜା ଅର୍ଚନା ଆରମ୍ଭ ହୋଇଛି। ଏହି ଦିନରେ ମା ଙ୍କ ସ୍ଥାୟୀ ମନ୍ଦିର ରେ ପୂଜା ଅର୍ଚ୍ଚନା ସାରି ମା ଙ୍କୁ ଆବହନ କରି ଅସ୍ଥାୟୀ ମଣ୍ଡପ ରେ ମା ଙ୍କ ପୂଜା ଆରମ୍ଭ କରାଯାଇଛି। ମହା ସପ୍ତମୀ ଠାରୁ ପୁରୋହିତ ଚଣ୍ଡି ପାଠ କରି ହୋମ ଯଜ୍ଞ ଆରମ୍ଭ କରିଛନ୍ତି। ଏହାକୁ ନେଇ ସାରା ସହରରେ ଏକ ଆଧ୍ଯାତ୍ମିକ ପରିବେଶ ସୃଷ୍ଟି ହୋଇଛି। ମୁଖ୍ୟ ପୂଜା ମଣ୍ଡପ ରେ ଏକ ସୁଉଚ୍ଚ ତୋରଣ ଶୋଭା ପାଉଥିବା ବେଳେ ମୁଖ୍ୟ ସଡ଼କ ପାର୍ଶ୍ୱ ରେ ୩ ଟି ଅତି ସୁନ୍ଦର ଆଲୋକ ସଜ୍ଜା ର ତୋରଣ ସାରା ସହରକୁ ଆଲୋକିତ କରିବା ସହ ଲୋକଙ୍କୁ ଆକୃଷ୍ଟ କରିପାରିଛି।