!!! କଳାହାଣ୍ଡି ରୁ ଜିଲ୍ଲା ପ୍ରତିନିଧି ରଜତ୍ ପଟ୍ଟନାୟକ ଙ୍କ ରିପୋର୍ଟ୍ !!!
ଏଥର ସମ୍ଭାଳ (କଳାହାଣ୍ଡି) – କଳାହାଣ୍ଡି ଜିଲ୍ଲା କଲମପୁର ବ୍ଲକ ପାତ୍ରବସା ହାତୀନଦୀ ଉପରେ ଗତ ୨୦୧୪ ମସିହାରୁ ପ୍ରାୟ ୯ କୋଟି ବ୍ୟୟ ଅଟକଳରେ ପୋଲ ନିର୍ମାଣ କରାଯାଇଛି। ଏହାକୁ ପୂର୍ବତନ ଧର୍ମଗଡ଼ ବିଧାୟକ ପୁଷ୍ପେନ୍ଦ୍ର ସିଂ ଦେଓ ଶୁଭ ଉଦଘାଟନ କରିଥିଲେ। ଲଡୁଗାଁ ସ୍ଥିତ ଡି. ଡି ବିଲଡର ଟେଣ୍ଡର ନେଇ କାର୍ଯ୍ୟ ସମ୍ପାଦନ କରୁଥିବା ବେଳେ ଧର୍ମଗଡ଼ ସ୍ଥିତ ଗ୍ରାମ୍ୟ ଉନ୍ନୟନ ବିଭାଜନ ଏହି କାର୍ଯ୍ୟ କୁ ତଦାରଖ କରୁଛନ୍ତି। ଏହି ପୋଲ ନିର୍ମାଣ କାର୍ଯ୍ୟ ତିନି ବର୍ଷ ରେ ଶେଷ ହେବାକୁ ଧାର୍ଯ୍ୟ ହୋଇଥିବା ବେଳେ ଅବଧି ଶେଷ ହୋଇ ସାରିଥିଲେ ମଧ୍ୟ ନିର୍ମାଣ କାର୍ଯ୍ୟ ଅଧପହନ୍ତରିଆ ଭାବେ ପଡି ରହିଛି। ଏବେ ଏହି କାର୍ଯ୍ୟରୁ ମୁହଁ ମୋଡି ସମ୍ପୁକ୍ତ ଠିକାଦାର ଫେରି ଯାଇଥିବା ଗ୍ରାମବାସୀ ଅଭିଯୋଗ କରିଛନ୍ତି। ଠିକାଦାର କୁ ବିଭାଗୀୟ ଅଧିକାରୀ ମାନେ ଉଦେଶ୍ୟ ମୂଳକ ଭାବେ ଅସହଯୋଗ କରୁଥିବା ରୁ ସମ୍ପୃକ୍ତ ଠିକାଦାର ଶେଷ ମୁହୂର୍ତ୍ତରେ ଏହି କାର୍ଯ୍ୟରୁ ମୁହଁ ମୋଡି ଫେରିଯାଇଛନ୍ତି। ଫଳରେ ଅଧାପନ୍ତରିଆ କାମକୁ ନେଇ ସ୍ଥାନୀୟ ଅଞ୍ଚଳରେ ଅସନ୍ତୋଷ ଦେଖାଯିବା ସହ ଜନ ସାଧାରଣ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଗ୍ରାମବାସୀ ମାନଙ୍କର ପ୍ରତୀକ୍ଷାର ଅନ୍ତ କେବେ ସରିବ ତାହା ଦେଖିବାକୁ ବାକି ରହିଲା।