ଏଥର ସମ୍ଭାଳ (ଗୁଣପୁର) – ମହର୍ଷି ଗୁରୁକୂଳ ବିଜ୍ଞାନ ମହାବିଦ୍ୟାଳୟ ଗୁଣପୁର ଥରେ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଅଧ୍ୟାୟନ ରତ ବିଦ୍ୟାର୍ଥୀଙ୍କ ଠାରୁ ସମୁଦାୟ ୫୦ ୟୁନିଟ ରକ୍ତ ସଂଗ୍ରହ କରାଯାଇଛି । ଏହି ଅବସରରେ ଅନୁଷ୍ଠିତ ସଚେତନତା ସଭାରେ ସ୍ଥାନୀୟ ବିଧାୟକ ରଘୁନାଥ ଗମାଙ୍ଗ ମୁଖ୍ୟ ଅତିଥି,ଡ଼ଃ ସୂର୍ଯ୍ୟ ନାରାୟଣ ପଣ୍ଡା ମୁଖ୍ୟ ବକ୍ତା,ସମ୍ମାନୀତ ଅତିଥି ଭାବେ ସୂର୍ଯ୍ୟ ନାରାୟଣ ରଥ ଏବଂ ଡଃ. ଲକ୍ଷ୍ମଣ ପାତ୍ର ଯୋଗ ଦେଇ ରକ୍ତ ଦାନର ମହାନତା ନେଇ ନିଜସ୍ୱ ମତ ବ୍ୟକ୍ତ ଜରିଥିଲେ । ବିଦ୍ୟାର୍ଥୀ ମାନଙ୍କ ଦ୍ଵାରା କରାଯାଇଥିବା ରକ୍ତଦାନ ପ୍ରକ୍ରିୟା କୁ ଉତ୍ସାହିତ କରିବାକୁ ଯାଇ ଗୁଣପୁର ବିଧାୟକ ଶ୍ରୀ. ଗମାଙ୍ଗ ନିଜ ନିର୍ବାଚନ ମଣ୍ଡଳୀ ରେ ସମସ୍ତ ବ୍ଲକ ରେ ଆଗାମୀ ଦିନରେ ଏଭଳି ରକ୍ତ ଦାନ ଶିବିର ର ଆୟୋଜନ କରାଇ ଗୁଣପୁର ରକ୍ତ ସଂଗ୍ରହାଳୟ କୁ ପଠାଇ ରୋଗୀ ଙ୍କ ଆବଶ୍ୟକ ରକ୍ତ ଅଭାବତା ଦୂର କରିବା ରେ ପ୍ରୟାସ କରିବେ ବୋଲି ପ୍ରକାଶ କରିଛନ୍ତି । ଏଥିରେ ସ୍ଥାନୀୟ ଚିକିତ୍ସାଳୟ ର ଡାକ୍ତର ଶ୍ରୀ ଲକ୍ଷ୍ମୀ ପାତ୍ର ନିତ୍ୟପ୍ରତ୍ଯ ସହଯୋଗ କରିବେ ବୋଲି ପ୍ରତିଶୃତି ଦେଇଛନ୍ତି। ମହାବିଦ୍ୟାଳୟର ପଦାର୍ଥ ବିଜ୍ଞାନ ଅଧ୍ୟାପକ ପ୍ରଣବ ପଟ୍ଟନାୟକ ଏହି ସଭା କାର୍ଯ୍ୟ ପରିଚାଳନା କରିଥିଲେ । ରକ୍ତ ସଂଗ୍ରହ କାର୍ଯ୍ୟ ରେ ସ୍ଥାନୀୟ ଉପଖଣ୍ଡ ଚିକିତ୍ସାଳୟ ର କର୍ମୀ ସୁରୁଚି ପାତ୍ର ଓ ଆନନ୍ଦ ରାଓ ସହଯୋଗ କରିଥିଲେ। ଏହି କାର୍ଯ୍ୟକ୍ରମ ରେ ମହାବିଦ୍ୟାଳୟ କମିଟି ର ଅଧ୍ୟକ୍ଷ ସନ୍ତୋଷ କୁମାର ଗୁରୁ, ପରିଚାଳନା ନିର୍ଦ୍ଦେଶକ ଲୋକନାଥ ମିଶ୍ର ଙ୍କ ସମେତ ସମସ୍ତ ଅଧ୍ୟାପକ, ଅଧ୍ୟାପିକା ଓ କର୍ମଚାରୀ ଏବଂ ସ୍ଥାନୀୟ ଶିକ୍ଷାବିତ ଏଲ୍. ଲକ୍ଷ୍ମୀନାରାୟଣା, ବୁଦ୍ଧୀ ଯିବି ଦେବୀ ଆଚାର୍ଯ୍ୟ, ପଞ୍ଚାନନ ଚୌଧୁରୀ ପ୍ରମୁଖ ଉପସ୍ଥିତ ଥିଲେ।
ଗୁଣପୁର ମହର୍ଷି ଗୁରୁକୁଳ ମହାବିଦ୍ୟାଳୟ ରେ ରକ୍ତ ଦାନ ଶିବିର ଅନୁଷ୍ଠିତ…!
