!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ରତିନିଧି ପ୍ୟାରୀଲାଲ୍ ଦୁର୍ଗା ଙ୍କ ରିପୋର୍ଟ୍ !!!
ଏଥର ସମ୍ଭାଳ (ଜୟପାଟଣା) – କଳାହାଣ୍ଡି ଜିଲ୍ଲାରେ ଦିନକୁ ଦିନ ନାବାଳିକା ଙ୍କ ପ୍ରତି ଦୁଷ୍କର୍ମ ବଢ଼ିବାରେ ଲାଗିଛି।
ଆଜି ଜୟପାଟଣା ପୋଲିସ ଏହି ମାମଲାରେ ଜଣେ ୪୦ ବର୍ଷୀୟ ବ୍ୟକ୍ତି ଜ୍ୟୋତି ରଞ୍ଜନ ଦାଶ କୁ ଅଟକ ରଖି ପଚରାଉଚରା କରିଛି।
ଜୟପାଟଣା ପୋଲିସ ସୂତ୍ରରୁ ପ୍ରକାଶ ଯେ ଏହି ଥାନା ଅନ୍ତର୍ଗତ ମୁଖୀଗୁଡା ଠାରେ ଏହି ନାବାଳିକା ଜଣକ ତାଙ୍କ ସମ୍ପର୍କୀୟ ମଉସା ଘରେ ରହି ସେହି ଅଞ୍ଚଳର କଲେଜ ରେ ଯୁକ୍ତ ଦୁଇ ରେ ପଢୁଥିଲେ।
କିନ୍ତୁ ଦୀର୍ଘ ଦିନ ଧରି ଛାତ୍ରୀ ଙ୍କୁ ଏହି ମଉସା ଜଣକ ବାରମ୍ବାର ବଳପୂର୍ବକ ଶାରୀରିକ ନିର୍ଯ୍ୟାତନା ତଥା ଦୁଷ୍କର୍ମ କରିଚାଲିଥିଲେ।
ଏ ନେଇ ନାବାଳିକା କୋଣସି ମତେ ଗତକାଲି ଆସି ଜୟପାଟଣା ଥାନା ରେ ଲିଖିତ ଅଭିଯୋଗ ଦେଲା ପରେ ପୋଲିସ ଅଭିଯୋଗ ମୁତାବକ ୧୮୮/୧୯ କେଶ ନମ୍ବର ରୁଜୁ କରି ଅଭିଯୁକ୍ତ ନାବାଳିକା ଙ୍କ ମଉସା ଜ୍ୟୋତି ରଞ୍ଜନ କୁ ଗିରଫ କରି ପଚରାଉଚରା ଜାରି ରଖିଛି ।
ଅଭିଯୁକ୍ତ ଙ୍କ ନାଁ ରେ ଆପିସି ୩୭୬,୩୪୧,୩୨୩ ତଥା ପୋସ୍କୋ ଆକ୍ଟ ଲଗାଯାଇ ତଦନ୍ତ ଚାଲିଛି। ଏହି ନାବାଳିକା ଙ୍କୁ ବର୍ତ୍ତମାନ ଜିଲ୍ଲା ସୁଧାଘର କୁ ପଠାଯାଇଛି ବୋଲି ଜୟପାଟଣା ଥାନା ଅଧିକାରୀ ସୁଶାନ୍ତ କୁମାର ସାହୁ ପ୍ରକାଶ କରିଛନ୍ତି।