!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ୟାରୀଲାଲ୍ ଦୁର୍ଗା ଙ୍କ ରିପୋର୍ଟ୍ !!!
ଏଥର ସମ୍ଭାଳ (ଡାଙ୍ଗରିଗୁଡ଼ା) – କଳାହାଣ୍ଡି ଜିଲ୍ଲା ଗୋଲାମୁଣ୍ଡା ଥାନା ଅଧିନସ୍ଥ ମାନଝରି କେଗାଁ ମୁଖ୍ୟ ରାସ୍ତା ଡଙ୍ଗରିଗୁଡା ଠାରେ ଏକ କାର୍ ଦୁର୍ଘଟଣା ଗ୍ରସ୍ତ ହୋଇଛି । ଭାରସାମ୍ୟ ହରାଇ ଏହି କାର (OD 08K 1747) ମାଧବ ନିଆଳ ଙ୍କ ଘର କାଁଥ କୁ ବାଡ଼େଇ ହୋଇଯିବା ଫଳରେ ଡ୍ରାଇଭର ସମେତ ଦୁଇଜଣ ଗୁରୁତର ହୋଇଛନ୍ତି। ସୂଚନା ମୁତାବକ କାର ଟି ସାନଚେର ଗାଁ ସୁରେଶ ବଛା ଙ୍କ ବୋଲି ଜଣା ପଡ଼ିଛି। ଆଜି ଅପରାହ୍ନ ୪ ଘଣ୍ଟା ସମୟରେ ସାନଚେର ଗାଁ ପଟୁ ଗୋଲାମୁଣ୍ଡା ଅଭିମୁଖେ ଯାଉଥିବା ବେଳେ କାର ଟି ଭାରସାମ୍ୟ ହରାଇ ଘରକାନ୍ଥ କୁ ମାଡି ଯାଇ ଦୁର୍ଘଟଣା ଗ୍ରସ୍ତ ହୋଇଥିଲା। ଫଳରେ ଘର ର କିଛି ଅଂଶ ଭାଙ୍ଗି ଯାଇଛି ଏବଂ କାର ଟି ଡ୍ୟାମେଜେ ହୋଇଯାଇଛି । ଦୁର୍ଘଟଣା ରେ ଗୁରୁତର ୨ ଜଣ ବ୍ୟକ୍ତି ଙ୍କୁ ଧର୍ମଗଡ଼ ଉପଖଣ୍ଡ ସରକାରୀ ଡାକ୍ତରଖାନାକୁ ଚିକିତ୍ସା ପାଇଁ ନିଆଯାଇଛି। ମାଧବ ନିଆଳ ଘର ନଷ୍ଟ ହେବାର କ୍ଷତି ପୂରଣ ଦାବୀ କରିଛନ୍ତି।