!!! ଦକ୍ଷୀଣ ଓଡ଼ିଶା ମୁଖ୍ୟ ଡ଼ି. କିରଣ କୁମାର ଙ୍କ ରିପୋର୍ଟ୍ !!!
ଏଥର ସମ୍ଭାଳ (ଗୁଣପୁର) – ରାୟଗଡ ଜିଲ୍ଲା ଗୁଣପୁର ସ୍ଥାନୀୟ ପ୍ରଶାସନ ପକ୍ଷରୁ ଗୁଣପୁର ଟାଉନହଲ ଠାରେ ବେକାର ଯୁବକ ଯୁବତୀ ମାନଙ୍କ ପାଈଁ ଉଡାନ ” କାର୍ଯ୍ୟକ୍ରମର ଶୁଭାରମ୍ଭ ହୋଇଯାଇଛି ।
ଗୁଣପୁର ଉପ ଜିଲ୍ଲାପାଳ ଶ୍ରୀ ସିଦ୍ଧେଶ୍ବର ବଳିରାମ ବନ୍ଧୋର ଏହି କାର୍ଯ୍ୟକ୍ରମକୁ ଉଦଘାଟନ କରିଥିଲେ । ଏହାଦ୍ବାରା ସମସ୍ତ ବେକାର ଯୁବକ-ଯୁବତୀ ମାନେ ଉପକୃତ ହୋଇପାରିବେ ବୋଲି ସେ କହିଥିଲେ ।
ଏହି ତାଲିମ କାର୍ଯ୍ୟକ୍ରମ ପ୍ରତ୍ୟେକ ମାସ ର୍ ପ୍ରଥମ ରବିବାର ଦିନ ଚାଲିବ ବୋଲି ପ୍ରଶାସନ ଦ୍ୱାରା ନିଷ୍ପତି ନିଆ ଯାଇଥିବା ସୁଚନା ମିଳିଛି ।
ଏଥିରେ ସମସ୍ତ ପ୍ରକାର ବିଭାଗ ପ୍ରଭୃତିରେ ଚାକିରି ନିଯୁକ୍ତି ପାଈଁ ଆବଶ୍ୟକ ପଡୁଥିବା ବିଭିନ୍ନ ବିଷୟରେ ତାଲିମପ୍ରାପ୍ତ ଅଧିକାରୀ ମାନଙ୍କ ଦ୍ବାରା ତାଲିମ ପ୍ରଦାନ କରାଯିବ ବୋଲି କହିଥିଲେ ।
ଏହି କାର୍ଯ୍ୟକ୍ରମରେ ୨୦୦ ରୁ ଉର୍ଦ୍ଧ୍ବ ଯୁବକ ଯୁବତୀ ଙ୍କୁ ତାଲିମ ପାଇଁ ଉପସ୍ଥିତ ଥିବା ଦେଖିବାକୁ ମିଳିଥିଲା । ମୁଖ୍ୟତଃ ଏହି କାର୍ଯ୍ୟକ୍ରମ ଦ୍ୱାରା ଜିଲ୍ଲାର ଅନେକ ବେକାର ଯୁବକ ଯୁବତୀ ନିଜକୁ ସମାଜର ମୁଖ୍ୟ ସ୍ରୋତରେ ସାମିଲ କରିପାରିବେ ବୋଲି ତାଲିମ ଦେଉଥିବା ଗୁଣପୁର ତହସିଲଦାର ସୁଶ୍ରୀ ନମ୍ରତା ମୋଦୀ କହିଛନ୍ତି ।
ଏଥି ନିମନ୍ତେ ସ୍ଥାନୀୟ ଜନ ସାଧାରଣ ପ୍ରଶାସନର ଏଭଳି ପଦକ୍ଷେପ କୁ ଭୂୟସୀ ପ୍ରଶଂସା କରି ଏଭଳି ପ୍ରଶିକ୍ଷଣ କୁ ତ୍ୱରାନ୍ବିତ କରାଗଲେ ବେକାର ଯୁବକ ଯୁବତୀ ବେଶ ଉପକୃତ ହୋଇ ପାରନ୍ତେ ବୋଲି କହିଛନ୍ତି ।
ଏହି କାର୍ଯ୍ୟକ୍ରମ କୁ ଗୁଣପୁର ଉପଖଣ୍ଡ ସୁଚନା ଓ ଲୋକ ସମ୍ପର୍କ ଅଧିକାରୀ ସୁଶ୍ରୀ ରଶ୍ମି ରାଣୀ ନିମାକା ସଂଯୋଜନା କରିଥିବା ବେଳେ , ଏଥିରେ ଗୁଣପୁର ତହସିଲଦାର ସୁଶ୍ରୀ ନମ୍ରତା ମୋଦୀ , ପଦ୍ମପୁର ତହସିଲଦାର ଶ୍ରୀ ନୀଳମାଧବ ମାଝି , ଗୁଡାରୀ ତହସିଲଦାର ଭାରତୀ ଦେବୀ ପ୍ରମୁଖ ଉପସ୍ଥିତ ରହିଥିଲେ ।