!!! କଳାହାଣ୍ଡି ରୁ ଜିଲ୍ଲା ପ୍ରତିନିଧି ରଜତ ପଟ୍ଟନାୟକ ଙ୍କ ରିପୋର୍ଟ୍ !!!
ଏଥର ସମ୍ଭାଳ (କଳାହାଣ୍ଡି) – କଳାହାଣ୍ଡି ଜିଲ୍ଲାର ଏମ୍.ରାମପୁର ବ୍ଳକ ଅନ୍ତର୍ଗତ ମୋହନଗିରି ଗ୍ରାମ ପଞ୍ଚାୟତ ର ଦେଉଲିଶୁଲିଆ ନିକଟ ରେ ବୋହି ଯାଉଥିବା କାଳିଗଙ୍ଗା ନଦୀ ପାର୍ଶ୍ଵ ରେ ସରକାର ଙ୍କ ପକ୍ଷରୁ ବନ୍ୟା ଜଳ କୁ ଅଟକାଇବା ନିମନ୍ତେ ଏକ ଗାର୍ଡ଼ୱାଲ ନିର୍ମାଣ କରାଯାଇଛି। ଏହାର ନିର୍ମାଣ କାର୍ଯ୍ୟ ଚଳିତ ବର୍ଷ ମାର୍ଚ୍ଚ ମାସ ୧୪ ତାରିଖ ରେ ସମ୍ପୂର୍ଣ୍ଣ ହୋଇଥିଲା। ଏହା ଅତି ନିମ୍ନମାନର କାର୍ଯ୍ୟ ହୋଇଥିବାରୁ ପାଞ୍ଚ ମାସ ନ ପୁରୁଣୁ ଫାଟି ଆଁ ହୋଇ ଠିକାଦାର ଓ ଯନ୍ତ୍ରୀ ଙ୍କ ମଧୁ ଚନ୍ଦ୍ରିକା କୁ ପଦାରେ ପକାଇଛି। ପାଞ୍ଚ ଲକ୍ଷ ଟଙ୍କା ଅର୍ଥ ବ୍ୟୟ ରେ ଖର୍ଚ୍ଚ ହୋଇ ନିର୍ମିତ ହେଉଥିବା ଏଭଳି ଗାର୍ଡୱାଲ୍ କାର୍ଯ୍ୟ ପ୍ରତି କିପରି ସମ୍ପୃକ୍ତ କତୃପକ୍ଷ ଙ୍କ ନଜର ରହି ନଥିଲା ବୋଲି ଅଭିଯୋଗ ହେଉଛି। ଆଗାମୀ ଦିନରେ ଏଦେଇ ଜଳ ପ୍ରବାହିତ ହୋଇ ଏହାକୁ ସମ୍ପୂର୍ଣ୍ଣ ନଷ୍ଟ କରି ଦେବ ବୋଲି ସାଧାରଣ ରେ ଆସଂଙ୍କା ସୃଷ୍ଟି ହୋଇଛି। ଠିକାଦାର ଓ ଯନ୍ତ୍ରୀ ଙ୍କ ବେପାରୁଆ ମନୋଭାବ ଯୋଗୁଁ କାର୍ଯ୍ୟ ଏଭଳି ନିମ୍ନମାନ ହୋଇଥିବା ବେଳେ ଆଗାମୀ ଦିନରେ ଏହା ର ମରାମତି କିମ୍ବା ପୁନଃ ନିର୍ମାଣ କେଉଁ ସରକାରୀ ଅର୍ଥକୋଷ ରୁ ନିର୍ମାଣ କରାଯିବ ନା ଉଭୟ ଙ୍କ ଦାୟିତ୍ଵ ହୀନତା ଯୋଗୁଁ ଏହାକୁ ସଜାଡ଼ିବା ପାଇଁ ଆବଶ୍ୟକ ଅର୍ଥ ଠିକାଦାର ଓ ଯନ୍ତ୍ରୀ ଙ୍କ ଠାରୁ ଆଦାୟ କରାଯିବ ବୋଲି ପ୍ରଶ୍ନ ଉଠୁଛି। ସମୟ କହିବ ଦୁର୍ନୀତି କୁ ଦୂରଭାଷା ମାଧ୍ୟମରେ ଜାଣିବା ପରେ ସରକାର ନେଉଥିବା ପଦକ୍ଷେପ ଏଠାରେ କେମିତି କାମ କରୁଛି।
