!!! କଳାହାଣ୍ଡି ଜିଲ୍ଲା ପ୍ରତିନିଧି ମୋନଜ କୁମାର ସିଂ ଙ୍କ ରିପୋର୍ଟ !!!
ଏଥର ସମ୍ଭାଳ (ଭବାନୀପାଟଣା) – ଧର୍ମଗଡ଼ ବ୍ଲକ ବଡବସୁଲ ଗ୍ରାମଠାରେ ଆଜି ସ୍ବତନ୍ତ୍ର ଗ୍ରାମସଭା ଅନୁଷ୍ଠିତ ହୋଇଯାଇଛି । ଏଥିରେ ଭାରତ ସରକାରଙ୍କ ଆଦିବାସୀ ବ୍ୟାପାର ମନ୍ତ୍ରାଳୟର ନିର୍ଦେଶକା ବର୍ଣାଲି ଡେକା, କଳାହାଣ୍ଡି ଜିଲ୍ଲାପାଳ ସଚିନ ପାୱାର, ସି.ଡି.ଓ ଦୟାମୟ ପାଢ଼ୀ, ପି.ଏ ଆଇ.ଟି.ଡି.ଏ ପ୍ରଦ୍ୟୁମ୍ନ ଦାସ ଧର୍ମଗଡ ଉପଜିଲ୍ଲାପାଳ ପ୍ରେକ୍ଷା ଅଗ୍ରୱାଲ, ଧର୍ମଗଡ ବ୍ଲକ ଅଧ୍ଯକ୍ଷା ବବିତା ପାଟ୍ଟଯୋଷି, ଧର୍ମଗଡ ଗୋଷ୍ଠୀ ଉନ୍ନୟନ ଅଧୂକାରୀ ସଦାଶିବ ନାୟକ ପ୍ରମୁଖ ମଞ୍ଚାସିନ ଥିଲେ। ବଡବସୁଲ ସରପଂଚ ମକୁନ୍ଦ ଶବରଙ୍କ ସଭାପତିତ୍ୱରେ ଅନୁଷ୍ଠିତ ଗ୍ରାମସଭାରେ ପଂଚାୟତର ସମସ୍ତ ଅଙ୍ଗନୱାଡ଼ି, ଆଶା, ୱାର୍ଡ ସଭ୍ୟ/ସଭ୍ୟା, ଶିକ୍ଷକ, ସ୍ବୟଂ ସହାୟକ ଗୋଷ୍ଠୀ ର ସଦସ୍ୟା ସମେତ ଗାଁର ଶତାଧୂକ ଲୋକ ଉପସ୍ଥିତ ଥିଲେ । ଆଦି କର୍ମଯୋଗୀ ଅଭିଯାନର ଆଭିମୁଖ୍ୟ ସଂପର୍କରେ ମଞ୍ଚାସିନ ଅତିଥ୍ ମାନେ ମତବ୍ୟକ୍ତି କରିଥିଲେ। ଏହାପରେ ନିର୍ଦ୍ଦେଶିକା ଶ୍ରୀମତୀ ଡେକା ଆଦି ସେବାକେନ୍ଦ୍ର ପରିଦର୍ଶନ କରିବା ସହିତ ଗାଁର ସାମାଜିକ ଓ ସମ୍ବଳ ମାନଚିତ୍ର ଦେଖ୍ ଖୁସି ବ୍ୟକ୍ତି କରିଥିଲେ। ଏହାପରେ ଆଦି କର୍ମଯୋଗି ଅଭିଯାନ ଅନୁର୍ଗତରେ ତିଆରି ହୋଇଥିବା ୫ବର୍ଷିଆ ଗ୍ରାମ୍ୟ ଯୋଜନା କୁ କର୍ତ୍ତବ୍ୟ ପ୍ରକଳ୍ପ ନିର୍ଦେଶକ ରାଜେଶ ପଟ୍ଟନାୟକ ଗୋଟି ଗୋଟି କରି ସମସ୍ତଙ୍କୁ ଅବଗତ କରିଥିଲେ। ଗୋଷ୍ଠୀ ଉନ୍ନୟନ ଅଧୂକାରୀ ସଦାଶିବ ନାୟକ ସ୍ବାଗତ ଅଭିଭାଷଣ ରଖୁଥିବା ବେଳେ ବ୍ଲକ ଅଧ୍ଯକ୍ଷା ବବିତା ପଟ୍ଟଯୋଷି ଧନ୍ୟବାଦ୍ ଅର୍ପଣ କରିଥିଲେ। ଏଥିରେ ବ୍ଲକର ଆଦି କର୍ମଯୋଗି, ବ୍ଲକ୍ ମାଷ୍ଟର ଟ୍ରେନର ଅରୂପାନନ୍ଦ ଭୋଇ, ଗାଁର ଆଦି ସହଯୋଗୀ, ଗାଁର ଆଦି ସାଥ୍ ସମେତ ବିଭିନ୍ନ ବିଭାଗର ସରକାରୀ କର୍ମଚାରୀ ମାନେ ଯୋଗ ଦେଇଥିଲେ । ସୁର୍ଯ୍ୟନାରାୟଣ ପାଢ଼ୀ, ସୁଚିସ୍ମିତା ମୁଣ୍ଡ, ଅଭି ମଙ୍ଗରାଜ, ଦିବ୍ୟ ରଞ୍ଜନ ବେହେରା, ଦକ୍ଷଶୁତ ଭାଇଁସାଲ, କମଳାକାନ୍ତି ଶବର, ରଥ ଗୋପାଲ, ବଟକୃଷ୍ଣ ବାରିକ, ମମତା ଶବର, ସଞ୍ଜୀବ ମେହେର, ରବୀନ୍ଦ୍ର ବେହେରୁକ, ହୃଷୀକେଶ ରାଜେନ୍ଦ୍ର ଦୁରିଆ ପ୍ରମୁଖ ସହଯୋଗ କରିଥିଲେ।