!!! କଳାହାଣ୍ଡି ରୁ ଜିଲ୍ଲା ପ୍ରତିନିଧି ରଜତ୍ ପଟ୍ଟନାୟକ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଭବାନୀପାଟଣା) – ଝଡ ବର୍ଷାରେ କ୍ଷୟ କ୍ଷତି ଜନସାଧରଙ୍କ ନିମନ୍ତେ ରାଜ୍ୟ ସରକାର ବିଭିନ୍ନ ପଦକ୍ଷେପ ମାନ ଆପଣେଇଛନ୍ତି । ଝଡ଼ରେ ବାସହରା ବ୍ୟକ୍ତିଙ୍କ ପାଇଁ ଚାଳ ଗୁଞ୍ଜ ସକାଶେ ପଲଥିନ ର ବ୍ୟବସ୍ଥା କରାଯାଉଥିବାବେଳେ ଏଥିରୁ ବାଦ ପଡ଼ିଛନ୍ତି ଭବାନୀପାଟଣା ପୌର ପରିଷଦ ଅଧୀନରେ ଥିବା ବାହାଦୂରବଗିଚା ପଡା ମାର୍ଗ ହନୁମାନ ମନ୍ଦିର ନିକଟରେ ବସତୀ ସ୍ଥାପନ କରୁଥିବା ପରିବାର ଙ୍କ ଚଳିତ ବର୍ଷ ଲଗାଣ ବର୍ଷାରେ କାନ୍ଥ ଭୁଶୁଡି ପଡିଛି । ଲୋକେ ସାମ୍ନାରେ କପଡା ଟାଙ୍ଗି ରହୁଛନ୍ତି । ତଥାପି ଏହି ରାସ୍ତା ଉପରେ ଥିବା ପରିବାରଙ୍କ ପ୍ରତି କୌଣସି ପ୍ରଶାସନିକ ଅଧିକାରୀଙ୍କ ଦୃଷ୍ଟି ପଡିନଥିବା ଅଭଯୋଗ ହେଉଛି । ସେହିଭଳି ବର୍ଷା ପାଣିରେ ମନ୍ଦିର ପାଖ ଦେଇ ଯାଉଥିବା ନାଳର ଆବର୍ଜନା ରାସ୍ତା ଉପରକୁ ଭାସି ଆସି ରାସ୍ତାକୁ ଖରାପ କରୁଛି । ପ୍ରଶାସନିକ ଅଧିକାରୀ ମାନେ ଚାରି ଚକିଆରେ ଏହି ରାସ୍ତା ଦେଇ ଚାଲି ଯାଉଥିବାରୁ ସେମାନଙ୍କୁ ଏହାର ସୁରାକ ମେଳୁନି କି ବାସ୍ନା ବାଜୁନି ବୋଲି ସାଧରଣରେ କଟାକ୍ଷ ହେଉଛି । ଦେଖାଯାଉ ପ୍ରଶାସନିକ ଅଧିକାରୀ ମାନେ ଏହି ସବୁ ଘଟଣାର କଣ ପଦକ୍ଷେପମାନ ନେଉଛନ୍ତି।

LEAVE A REPLY

Please enter your comment!
Please enter your name here