!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ଯାରୀଲାଲ୍ ଦୁର୍ଗା ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଧର୍ମଗଡ଼) – କଳାହାଣ୍ଡି ଜିଲ୍ଲା ରେ ହୋଇଥିବା ଲଗାଣ ବର୍ଷା ରେ କଲମପୁର ବ୍ଲକର ବିରିପୁର, ମାଟିଖାଲ,ଟେମରା, ପରୁଆଗୁଡ଼ା ଓ ବଙ୍କାପାଳ ଗାଁ ର ୧୦ ହଜାର ରୁ ଉର୍ଦ୍ଧ ଲୋକ ବନ୍ୟା ଦ୍ଵାରା କ୍ଷତିଗ୍ରସ୍ତ ହୋଇଥିବା ସୂଚନା ମିଳିଛି। କଲମପୁର ବିଜେଡ଼ି ବ୍ଲକ ସଭାପତି ପ୍ରଦୀପ କୁମାର ବେହେରା ଙ୍କ ନେତୃତ୍ଵରେ ବ୍ଲକ ଅଧ୍ୟକ୍ଷା ମଞ୍ଜୁଳା ସାହୁ, ଦେପୁର ସରପଞ୍ଚ ଭୁକୁଳୁ ବାଗ, ମୀନଗୁର ସରପଞ୍ଚ ହରିପ୍ରିୟା ରଣା, ପଣ୍ଡିଗାଁ ସରପଞ୍ଚ ବନଜା ବାସିନୀ ମହାପାତ୍ର, ସାମାଜସେବୀ ଗଣେଶ ପଣ୍ଡା, ଚେରୁ ନାୟକଙ୍କ ସମେତେ ଅନେକ ବିଜେଡ଼ି କର୍ମୀ ବନ୍ୟା ପ୍ରଭାବିତ ଅଞ୍ଚଳ ପରିଦର୍ଶନ କରି ପ୍ରଭାବିତ ଲୋକ ଙ୍କ ସହ ଆଲୋଚନା କରିଥିଲେ।

ବ୍ଲକ ଅଧ୍ୟକ୍ଷା ଶ୍ରୀମତୀ ସାହୁ ଏହି ସମସ୍ୟା ପ୍ରତି ରାଜ୍ଯ ସରକାର ଙ୍କ ଦୃଷ୍ଟି ଆକର୍ଷଣ କରାଇବା ସହ କ୍ଷୟକ୍ଷତି ର ଆକଳନ କରି ସହାୟତା ଯୋଗାଇଦିଆଯିବ ବୋଲି ପ୍ରତିଶ୍ରୁତି ଦେଇଛନ୍ତି। ପ୍ରତି ବର୍ଷ ବନ୍ୟା ସମୟରେ ଏହି ଅଞ୍ଚଳ ଗୁଡ଼ିକ ର ପରିସ୍ଥିତି ଏଭଳି ଦେଖା ଦେଉଥିଲେ ମଧ୍ୟ ଏହାର ସ୍ଥାୟୀ ସମାଧାନ ହୋଇପାରୁନଥିବା ରୁ ଜନ ଅସନ୍ତୋଷ ବୃଦ୍ଧି ପାଉଛି।

ପୂର୍ବରୁ ଏହି ଅଞ୍ଚଳ କୁ ପୂର୍ବତନ ମନ୍ତ୍ରୀ ସୂର୍ଯ୍ୟ ନାରାୟଣ ପାତ୍ର, ପୂର୍ବତନ ଜିଲ୍ଲାପାଳ ରୂପା ମିଶ୍ର, ପୂର୍ବତନ ଧର୍ମଗଡ଼ ବିଧାୟକ ପୁଷ୍ପେନ୍ଦ୍ର ସିଂହଦେଓ ଏହି ଅଞ୍ଚଳ ପରିଦର୍ଶନ କରି ଏହି ସମସ୍ୟା ର ସ୍ଥାୟୀ ସମାଧାନ କରାଯିବ ବୋଲି ପ୍ରତିଶ୍ରୁତି ଦେଇ ଯାଇଥିଲେ। କିନ୍ତୁ ପ୍ରତିଶ୍ରୁତି ପାଣିର ଗାର ହୋଇ ରହିଯାଇଛି।

ଏହି ସମସ୍ୟାର ସମାଧାନ ନିର୍ବାଚନ ପ୍ରଚାରର ଅସ୍ତ୍ର ରୂପେ ବ୍ୟବହାର କରାଯାଉଛି ବୋଲି ଅଞ୍ଚଳ ବାସୀ ଅଭିଯୋଗ କରିଛନ୍ତି। ବନ୍ୟା ପ୍ରଭାବିତ ଅଞ୍ଚଳ ବାଲିଛଡାରେ ପ୍ରାୟ ୨ କୋଟି ଟଙ୍କା ବ୍ୟୟ ଅଟକଳ ରେ ଏକ ବନ୍ୟା ଆଶ୍ରୟସ୍ଥଳୀ ନିର୍ମାଣ କରାଯାଇଛି। ବନ୍ୟା ସମୟରେ ଏଠାକୁ କୌଣସି ରିଲିଫ୍ ସମାଗ୍ରୀ ଯୋଗାଇଦିଆଯାଉ ନାହିଁ କିମ୍ବା ଏଠାରେ କୌଣସି ସରକାରୀ କର୍ମଚାରୀ ଙ୍କ ଦେଖା ମିଳୁନାହିଁ ବୋଲି ଅଞ୍ଚଳ ବାସୀ ପ୍ରକାଶ କରିଛନ୍ତି।

ବାଲିଛଡା ଗାଁ କୁ ସଂଯୋଗ କରୁଥିବା ରାସ୍ତା ର ନିର୍ମାଣ ଭୁଲ ନକ୍ସା ରେ ତିଆରି କରାଯାଇଥିବା ଫଳରେ ଟିକିଏ ବର୍ଷା ହେଲେ ଭୀମାବନ୍ଧ ନାଳ ରାସ୍ତା ଟି ଗାଁ କୁ ମୁଖ୍ୟ ରାସ୍ତା ରୁ ବିଛିନ୍ନ କରିଦେଉ ଥିବା ସାଧାରଣରେ ମତ ପ୍ରକାଶ ପାଇଛି। ଗାଁରେ ଲକ୍ଷ ଲକ୍ଷ ଟଙ୍କା ବ୍ୟୟ ରେ ନିର୍ମାଣ କାର୍ଯ୍ୟ ଦେଉଥିବା କଙ୍କ୍ରିଟ୍ ରାସ୍ତା ଓ ନଦୀ ର ପଥର ବନ୍ଧା କାର୍ଯ୍ୟ ଅତି ନିମ୍ନମାନ ଯୋଗୁଁ ଏହା ଅଳ୍ପ ଦିନରେ ନଷ୍ଟ ହୋଇ ଏଭଳି ସମସ୍ୟା ଉପୁଜାଉଥିବା କୁହାଯାଉଛି।

ଦେଖିବାକୁ ରହିଲା କେବେ ଏହି ଅଞ୍ଚଳବାସୀ ବନ୍ୟା ଜନିତ ସମସ୍ୟା ରୁ ରକ୍ଷା ପାଇବେ ନା ପ୍ରତିଶ୍ରୁତି, ପ୍ରତିଶ୍ରୁତି ରେ ହିଁ ରହିଯିବ।

LEAVE A REPLY

Please enter your comment!
Please enter your name here