ଏଥର ସମ୍ଭାଳ ବ୍ୟୁରୋ (ଭୁବନେଶ୍ବର) – କୋରାପୁଟ ଜିଲ୍ଲା ର ବହୁ ଚର୍ଚ୍ଚିତ କୁନ୍ଦୁଲି ଗଣ ଦୁଷ୍କର୍ମ ମାମଲା ର କେସ କୁ ତଦନ୍ତ କରି କମିଶନର ଦେଇଥିବା ରିପୋର୍ଟ୍ ଅନୁଯାୟୀ କିଏ ବାସ୍ତବ ରେ ଦୋଷୀ ରାଜ୍ୟ ସରକାର ଖୋଲା ଖୋଲି ଭାବେ ପ୍ରକାଶ କରନ୍ତୁ। ଷ୍ଟେଟ୍ ପ୍ରୋଗ୍ରେସିଭ ୱିମେନ୍ସ ଫୋରମ (ଏସ୍.ପି.ୱ.ଏଫ୍) ପକ୍ଷ୍ୟରୁ ଅଧ୍ୟକ୍ଷା ମମତା ସାମନ୍ତରାୟ, ଆବାହିକା ନିରୁପମା ରଥ ଏବଂ ସଂଯୋଜିକା ଜୟନ୍ତୀ ସାହୁ ଙ୍କ ସ୍ୱାକ୍ଷର ଥାଇ ଏକ ପ୍ରେସ୍ ବିଜ୍ଞପ୍ତି ପ୍ରକାଶ ପାଇଛି। କୁନ୍ଦୁଲି ପୀଡ଼ିତାଙ୍କ କେସକୁ ତଦନ୍ତ କରିବା ପାଇଁ ସରକାର ଙ୍କ ପକ୍ଷରୁ କମିଶନର ଭାବେ କୋରାପୁଟ ଜିଲ୍ଲା ର ମାନ୍ୟବର ଜିଲ୍ଲା ଜର୍ଜ ବିଦ୍ୟୁତ କୁମାର ମିଶ୍ର ଙ୍କୁ ନିଯୁକ୍ତି ଦିଆଯାଇଥିଲା। କମିଶନର ଙ୍କ ରିପୋର୍ଟ୍ ରେ ଫୋରମ ପୂର୍ବ ରୁ କରିଥିବା ଅଭିଯୋଗର ସତ୍ୟାସତ୍ୟ ସର୍ବ ସାଧାରଣ ରେ ପଦାକୁ ଆସିଛି ବୋଲି ଫୋରମ୍ ଦାବୀ କରିଛି। ଯେଉଁ ବ୍ୟକ୍ତି ପୀଡିତାଙ୍କୁ ସୁଦୂର ଭୁବନେଶ୍ବର କୁ ଆଣି ଜନ ଶୁଣାଣି କାର୍ଯ୍ଯକ୍ରମ ର ଖୋଲା ମଞ୍ଚ ରେ ଠିଆ କରାଇ ଆଇନ ର ଧାରା ୨୨୮(କ) କୁ ଉଲ୍ଲଘନ କରିଛନ୍ତି ସେମାନଙ୍କ ବିରୁଦ୍ଧରେ ରେ ରାଜ୍ଯ ସରକାର ଦୃଢ଼ କାର୍ଯ୍ୟନୁଷ୍ଠାନ ଗ୍ରହଣ କରନ୍ତୁ ବୋଲି ଫୋରମ୍ ପକ୍ଷରୁ ଦାବୀ କରାଯାଇଛି । ଯେଉଁ ବ୍ୟକ୍ତି ମାନେ ଏହି ଜନ ଶୁଣାଣି କରି କୁନ୍ଦୁଲି ପୀଡ଼ିତା ଙ୍କୁ ଆତ୍ମହତ୍ଯା କରିବାକୁ ବାଧ୍ୟ କରିଥିଲେ ଏବଂ ତଦନ୍ତ କମିଶନର ତାଙ୍କ ରିପୋର୍ଟ ରେ ଯେଉଁ ମାନେ ଏଥି ପାଇଁ ଦାୟୀ ବୋଲି ସ୍ପଷ୍ଟ କରିଛନ୍ତି ତୁରନ୍ତ ରାଜ୍ଯ ସରକାର ସେମାନଙ୍କ ନାମକୁ ସର୍ବ ସାଧାରଣ ରେ ପ୍ରକାଶ କରିବା ସହ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରି ଗିରଫ କରନ୍ତୁ ବୋଲି ଫୋରମ୍ ଦାବୀ କରିଛି।

LEAVE A REPLY

Please enter your comment!
Please enter your name here