!!! କଳାହାଣ୍ଡି ଜିଲ୍ଲା ପ୍ରତିନିଧି ମନୋଜ କୁମାର ସିଂ ଙ୍କ ରିପୋର୍ଟ !!!
ଏଥର ସମ୍ଭାଳ ବ୍ୟୁରୋ(ଭବାନୀପାଟଣା) – କଳାହାଣ୍ଡି ଜିଲ୍ଲା ରେଳ ଯାତ୍ରୀ ସଂଘ ର ସାଧାରଣ ବୈଠକ ସଭାପତି ସୁଭାଷ ଜୈନଙ୍କ ଅଧ୍ୟକ୍ଷତା ରେ ସ୍ଥାନୀୟ ୟଙ୍ଗ ବ୍ଲଡ ପବ୍ଲିକ ସ୍କୁଲ ପରିସରରେ ଅନୁଷ୍ଠିତ ହୋଇଯାଇଛି । ବୈଠକ ଆରମ୍ଭରେ ସାଧାରଣ ସମ୍ପାଦକ ଡମ୍ବରୁଧର ଭୋଇ ପୂର୍ବ ବୈଠକର ବିବରଣୀ ପଠନ ପରେ ତାକୁ ଦୃଢ଼ୀକରଣ କରାଯାଇଥିଲା । ଉକ୍ତ ବୈଠକରେ ଡ. ହେମାସାଗର ସାହା କେସିଙ୍ଗା ରେଳ ଷ୍ଟେସନ ର ବିଭିନ୍ନ ସମସ୍ୟା ଉତ୍ଥାପନ କରିଥିଲେ ।କେସିଙ୍ଗା ରେଳ ଷ୍ଟେସନ ରେ ସମସ୍ତ ଦୃତ ଗାମୀ ଟ୍ରେନ ମାତ୍ର ୨ମିନିଟ ରହଣୀ କରୁଛି ଫଳରେ ଯାତ୍ରୀ ମାନେ ନାହିଁ ନଥିବା ହଇରାଣ ହେଉଛନ୍ତି ବିଶେଷ କରି ବୃଦ୍ଧ ବୃଦ୍ଧା ବିକଳାଙ୍ଗ ଓ ମହିଳା ମାନେ ଟ୍ରେନ କମ ସମୟ ରହଣି ହେଉଥିବାରୁ ଟ୍ରେନ ରୁ ଓହ୍ଲାଇ ପାରୁନାହାନ୍ତି ସେଥିପାଇଁ ୨ମିନିଟ ରହଣି ପରିବର୍ତ୍ତେ ୫ମିନିଟ କୁ ବୃଦ୍ଧି କରିବା ପାଇଁ ପ୍ରସ୍ତାବ ଦେଇଥିଲେ ,ମାଲ ଗୋଦାମ ରେ ସଦାବେଳେ ସିମେଣ୍ଟ ଚାଉଳ ଗହମ ତଥା ଅନ୍ୟ ସାମଗ୍ରୀ ଲୋଡ ଅନ ଲୋଡ ହେଲେ ସେଠାରେ ଲାଇଟ୍ ର ସୁ ବ୍ୟବସ୍ଥା ନାହିଁ କି ପିଇବା ପାଣି ମଧ୍ୟ ନାହିଁ ଫଳରେ କାର୍ଯ୍ୟରତ ହେମାଳ ଓ କର୍ମଚାରୀ ମାନେ ଶୋଷ ମେଣ୍ଟାଇ ନ ପାରି ହଇରାଣ ହରକତ ହେଉଛନ୍ତି। ରେଳ ବିଭାଗ ଲୋଡ ଅନଲୋଡ ସମୟ କେବଳ ୯ଘଣ୍ଟା ଦେଇଛନ୍ତି ତା ଠାରୁ ଅଧିକ ସମୟ ଲାଗିଲେ ଡେମ୍ରେଜ୍ ଦେବାକୁ ପଡ଼ୁଛି ତା ର ସମୟ ସୀମା ସଂଶୋଧନ ପାଇଁ ସଂଘ ପକ୍ଷ ରୁ ଦାବି କରାଯାଇଥିଲା । ଏପରିକି ମାଲ ଗୋଦାମରେ ରେଲୱେ ପୋଲିସ ନ ଥିବାରୁ ଚୋରି ଡକାୟତି ଭୟ ରହିଛି ସେଥିପାଇଁ ଟ୍ରାନ୍ସପୋର୍ଟ କଣ୍ଟାକ୍ତର ନିଜ ପଇସାରେ ଚୌକିଦାର ରଖି କାର୍ଯ୍ୟ ସମ୍ପାଦନ କରୁଛନ୍ତି ଯେତେବେଳେ ଯାତ୍ରୀବାହୀ ଦ୍ରୁତଗାମୀ ଡାଉନ୍ ଟ୍ରେନ ମାନ ଆସେ ସେତେବେଳେ ୪ନମ୍ବର ପ୍ଲାଟ ଫ୍ରମ୍ ରେ ନ ଆସି ୨ ନମ୍ବର ଓ ୩ନମ୍ବର ପ୍ଲାଟଫ୍ରମ ରେ ଆସୁଥିବାରୁ ଯାତ୍ରୀ ମାନେ ହଇରାଣ ହେଉଛନ୍ତି ଏଥିରେ ବିଶେଷ କରି ବୃଦ୍ଧ ବୃଦ୍ଧା ବିକଳାଙ୍ଗ ମାନେ ସିଡି ଚଢ଼ି ନ ପାରି ହଇରାଣ ହେଉଛନ୍ତି ସେଥିପାଇଁ ସମସ୍ତ ଯାତ୍ରୀବାହି ଡାଉନ୍ ଟ୍ରେନ ୪ନମ୍ବର ରେ ଆସୁ ଓ ଅଫ ଗାଡ଼ି ୧ନମ୍ବର ପ୍ଳା ଟ୍ ଫ୍ରମ୍ ରେ ଆସିବା ପାଇଁ ଡି ଆର ଏମ ଙ୍କ ଦୃଷ୍ଟି ଆକର୍ଷଣ କରିବା ପାଇଁ ମୁଖ୍ୟ ପରାମର୍ଶ ଦାତା ଡ ହେମ ସାଗର ସା ହା ଙ୍କୁ କ୍ଷମତା ଅର୍ପଣ କରାଗଲା । ଏପରିକି କେସିଙ୍ଗା ରେଲ ଷ୍ଟେସନ ପ୍ଲଟ ଫ୍ରମ ରେ ପାନୀୟ ଜଳ ଓ ପଙ୍ଖା ର ବ୍ୟବସ୍ଥା ନ ଥିବାରୁ ଯାତ୍ରୀ ମାନେ ହଇରାଣ ହେଉଛନ୍ତି । ସେହିପରି କାଣ୍ଡେଲ ରୋଡ ରେଳ ଷ୍ଟେସନ ର ପ୍ଲାଟ ଫ୍ର ମ ମାନଙ୍କରେ ଲାଇଟ ଓ ପଙ୍ଖା ନ ଥିବାରୁ ଯାତ୍ରୀ ମାନେ ଘୋର ଅସୁବିଧା ଭୋଗୁଛନ୍ତି ।ଏପରି କି ଶୌଚାଳୟ ଦୀର୍ଘ ଦିନରୁ ଅକାମି ହୋଇ ପଡ଼ି ରହି ଥିବାରୁ ବିଭାଗୀୟ ଅଧିକାରୀ ମାନଙ୍କ ଠାରେ ଅଭିଯୋଗ କଲେ ସୁଦ୍ଧା କର୍ଣ୍ଣପାତ କରୁନ ଥିବାରୁ କ୍ଷଭ ପ୍ରକାଶ ପାଇଥିଲା। ଏପରି କି କାଣ୍ଡେଲ ରୋଡ ରେଳ ଷ୍ଟେସନ ରେ ତପସ୍ଵିନୀ ଏକ୍ସପ୍ରେସ ରହଣି ପାଇଁ ଦାବି କରାଯାଇଥିଲା । ଇସ୍ପାତ ଟ୍ରେନ ସପ୍ତାହରେ ଦୁଇ ଦିନ ରାୟଗଡ଼ା କୋରାପୁଟ ଭାୟା ଟିଟିଲାଗଡ ଦେଇ ଚଳାଇବା,ଧର୍ମଗଡ ରୁ କେସିଙ୍ଗା ଦେଇ ବନ୍ଦେ ଭାରତ ଏକ୍ସପ୍ରେସ ଟ୍ରେନ ଚଳାଇବା ପାଇଁ ପ୍ରସ୍ତାବ ଦିଆଯାଇଥିଲା ।ଏହା ଜେଡ୍ ଆର ୟୁ ସି ସି ବୈଠକ ରେ ଉପସ୍ଥାପନା କରିବାପାଇଁ ମୁଖ୍ୟ ପରାମର୍ଶ ଦାତା ଡ ହେମସାଗର ସାହା ଙ୍କୁ କ୍ଷମତା ଅର୍ପଣ କରାଗଲା । ରେଳ ବିଭାଗ ର ବିଭିନ୍ନ ସମସ୍ୟା ଗୁଡ଼ିକୁ କଳାହାଣ୍ଡି ଜିଲ୍ଲାର ଦୁଇ ଜଣ ସାଂସଦ ଙ୍କୁ ଅବଗତ କରି ତାର ସମାଧାନ ପାଇଁ ଗୁହାରୀ କରିଥିଲେ ସୁଦ୍ଧା ଆନ୍ତରିକ ଅଭାବ ଯୋଗୁଁ କେହି କର୍ଣ୍ଣପାତ କରୁନାହାନ୍ତି ।ଶେଷରେ ସଭାପତି ସୁଭାଷ ଜୈନ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ । ଉକ୍ତ ବୈଠକରେ ପରାମର୍ଶ ଦାତା ରାମକୁମାର୍ ଜୈନ, ଆନନ୍ଦ ଅଗ୍ରୱାଲ, ଯୁଗଳ କିଶୋର ଦୀପ,ରମାକାନ୍ତ ଜେନା,ରଞ୍ଜନ ବେହେରା,ବେଣୁଧର ମହଲା, ସୁରେଶ ଅଗ୍ରୱାଲ,ବିନୋଦ ଅଗ୍ରୱାଲ,ଜୟ ଭଗବାନ ଜୈନ, ସଦା ମାଝୀପ୍ରମୁଖ ଉପସ୍ଥିତ ଥିଲେ।