!!! ବଲାଙ୍ଗୀର ରୁ ଏମ୍. ଶ୍ରୀକାନ୍ତ ଙ୍କ ରିପୋର୍ଟ୍ !!!
ଏଥର ସମ୍ଭାଳ ବ୍ୟୁରୋ (ବଲାଙ୍ଗୀର) – ନିଜକୁ ଷ୍ଟେସନ ମାଷ୍ଟର ପରିଚୟ ଦେଇ ଯାତ୍ରୀଙ୍କୁ ଠକେଇ କରୁଥିବା ଏକ ଯୁବକଙ୍କୁ ଗିରଫ କରିଛି ବଲାଙ୍ଗିର ଆରପିଅଏଫ୍ ପୁଲିସ। ଗିରଫ ଯୁବକ ଜଣକ ହେଲେ ବଲାଙ୍ଗିର ଜିଲ୍ଲା ଲୋଇସିଂହାର ହୃଷିକେଶ ଦାସ । ବଲାଙ୍ଗିର-ସମ୍ବଲପୁର ରେଲୱେ ଲାଇନର ଲୋଇସିଂହା ରେଲୱେ ଷ୍ଟେସନରେ ନିଜକୁ ଆସିଷ୍ଟାଣ୍ଟ ଷ୍ଟେସନ ମାଷ୍ଟରର ପରିଚୟ ଦେଇ ଯାତ୍ରୀ ମାନଙ୍କ ଠାରୁ ଠକେଇ କରୁଥିଲା ହୃଷିକେଶ। ଏପରିକି ରେଲୱେ ବିଭାଗର ବିଭିନ୍ନ ପ୍ରକାର ଡୁପ୍ଳିକେଟ ଆଇଡି କାର୍ଡ ମଧ୍ୟ ତିଆରି କରିଛି ହୃଷିକେଶ । ଆସିଷ୍ଟାଣ୍ଟ ଷ୍ଟେସନ ମାଷ୍ଟର ନାଁରେ ଡୁପ୍ଳିକେଟ ଆଇଡି କାର୍ଡ ତିଆରି କରି ଲୋଇସିଂହା ରେଲୱେ ଷ୍ଟେସନରେ ଯାତ୍ରୀ ମାନଙ୍କୁ ଠକୁଥିଲା। କାହାକୁ ତତ୍କାଳ ଟିକେଟ କରାଇ ଦେବି ଓ ଆଉ କାହାର ଟିକେଟ ଚେକିଂ କରିବା ବାହାନାରେ ଠକେଇ କରୁଥିଲା ହୃଷିକେଶ। ତେବେ ଜଣେ ଯାତ୍ରୀଙ୍କ ଠାରୁ ଅଭିଯୋଗ ପାଇଲା ପରେ ବଲାଙ୍ଗିର ରେଲୱେ ପୁଲିସ ହୃଷିକେଶକୁ କାବୁ କରିଥିଲା। ଯାଞ୍ଚ କରିବା ପରେ ହୃଷିକେଶର ସମସ୍ତ କାଗଜପତ୍ର ଡୁପ୍ଳିକେଟ ବୋଲି ଜଣା ପଡିଥିଲା। ବଲାଙ୍ଗିର ଆରପିଏଫ ହୃଷିକେଶକୁ ଗିରଫ କରି କୋର୍ଟ ଚାଲାଣ କରିଛି |