!!! ଗଜପତି ରୁ ଜିଲ୍ଲା ପ୍ରତିନିଧି ସନ୍ତୋଷ କୁମାର ପାଟ୍ଟଜୋଶୀ ଙ୍କ ରିପୋର୍ଟ !!!
ଏଥର ସମ୍ଭାଳ (ପାରଳାଖେମୁଣ୍ଡି)- ଜାତୀୟ ବିଶ୍ୱ ଗୁରୁ ଭାରତ ସମ୍ମିଳନୀ ଓ ବିଶ୍ଵ ବୁକ୍ ଅଫ୍ ଷ୍ଟାର ରେକର୍ଡ ଆନୁକୂଲ୍ୟରେ ଏକ ମିଳିତ ସଭାରେ ମଧ୍ୟପ୍ରଦେଶର ଇନ୍ଦୋର ସହରର ଦି ପାର୍କ ହୋଟେଲରେ ଅନୁଷ୍ଠିତ ହୋଇଥିଲା। ଉକ୍ତ ସମାରୋହରେ ଅନେକ ରାଜ୍ୟରୁ ଆସିଥିବା ସମ୍ମାନୀତ ବ୍ୟକ୍ତିଙ୍କୁ ସମ୍ମାନୀତ କରାଯାଇଥିଲା। ଉକ୍ତ ସମ୍ମାନୀତ ବ୍ୟକ୍ତି ବିଶେଷଙ୍କ ମଧ୍ୟରୁ ଓଡ଼ିଶାର ଗଜପତି ଜିଲ୍ଲାର ଦୁଇ ଜଣ ବ୍ୟକ୍ତିଙ୍କୁ ସାମାଜିକ ସେବା ରାଷ୍ଟ୍ର ପ୍ରେରଣା ଆୱାର୍ଡ଼ – ୨୦୨୩ ପାଇଁ ଉପାଧିରେ ସମ୍ମାନୀତ କରାଯାଇଥିଲା। ଓଡ଼ିଶାର ଗଜପତି ଜିଲ୍ଲା ପାରଳାଖେମୁଣ୍ଡି ସହରର ଡଃ.ଆଲୋକ କୁମାର ବୋଷ , ଅଧ୍ୟକ୍ଷ , ଅନ୍ତର୍ଜାତୀୟ ମାନବ ଅଧିକାର ସୁରକ୍ଷା କାଉନସିଲ ଓ ହାଡୁଭାଙ୍ଗି ପଞ୍ଚାୟତ ବିସ୍ତାଲା ଗ୍ରାମର ଡଃ .ବି.ରବି ରାଜ୍ୟ କାର୍ଯ୍ୟ କାରିଣୀ ସମ୍ପାଦକ , ଅନ୍ତର୍ଜାତୀୟ ମାନବ ଅଧିକାର ସୁରକ୍ଷା କାଉନସିଲ ଙ୍କୁ ଉକ୍ତ କାର୍ଯ୍ୟକ୍ରମର ମୁଖ୍ୟ ଅତିଥି ଭାବେ ଶ୍ରୀ ଶଙ୍କର ଲାଲୱାନି , ସାଂସଦ, ମଧ୍ୟପ୍ରଦେଶ , ଇନ୍ଦୋର , ଡଃ.ଦର୍କ୍ଷଶାନ୍ ଅନ୍ଦ୍ରାବି ରାଜ୍ୟ ମନ୍ତ୍ରୀ , ଜାମୁ ଓ କଶ୍ମୀର , ସମ୍ମାନୀୟ ଅତିଥି ଜଷ୍ଟିସ୍ ଶଶି ମୋହନ୍ ଶ୍ରୀବାସ୍ତବ , ଇନ୍ଦୋର , ଆଚାର୍ଯ୍ୟ ଡଃ. ରାଜାଶାସ୍ତ୍ରୀ ମହାରାଜ , ଗୁଜରାଟ ଓ ଡଃ . ରାଜିବ୍ ପାଲ୍ , ପ୍ରତିଷ୍ଠାତା ଓ ନିର୍ଦ୍ଦେଶକ ବିଶ୍ଵ ବୁକ୍ ଅଫ୍ ଷ୍ଟାର ରେକର୍ଡ ଦ୍ଵାରା ଗଜପତି ଜିଲ୍ଲାର ଆଲୋକ କୁମାର ବୋଷ ଓ ଡଃ. ବି.ରବିଙ୍କୁ ରାଷ୍ଟ୍ର ପ୍ରେରଣା ଆୱାର୍ଡ଼ – ୨୦୨୩ ପାଇଁ ଉପାଧି ପ୍ରଦାନ କରି ପୁରସ୍କାରରେ ସମ୍ମାନୀତ କରାଯାଇଥିଲା। ତତ୍ ସଙ୍ଗେ ଜାତୀୟ ବିଶ୍ୱ ଗୁରୁ ଭାରତ ସମ୍ମିଳନୀ ଏକ ପ୍ରମାଣ ପତ୍ର ପୁରସ୍କାରଟି ସାମାଜିକ ସେବା ପାଇଁ ସମ୍ମାନୀତ କରାଯାଇଥିଲା। ଡଃ .ଆଲୋକ କୁମାର ବୋଷ ଅନେକ ରାଜ୍ୟରେ ଅନେକ ଥର ସମାଜ ସେବା ପାଇଁ ଅନେକ ଉପାଧିରେ ସମ୍ମାନିତ ହୋଇଛନ୍ତି। ମାନବ ଅଧିକାର ପ୍ରତ୍ୟେକ ଘର ଘରେ ପହଞ୍ଚାଇବା ସହ ଶିକ୍ଷା ରୁ ବଞ୍ଚିତ ହୋଇଥିବା ଶିଶୁ ମାନଙ୍କୁ ଆଜକୁ ୨୫୭ ଶିଶୁଙ୍କୁ ଆର୍ଥିକ ସହଯୋଗ କରି ମାନବ ସେବାରେ ନିଜକୁ ଉଚ୍ଛର୍ଗିତ କରି ଆଗକୁ ବଢି ଲୋକଙ୍କ ଭିତରେ ରହି ଲୋକଙ୍କୁ ସେବା କରି ଆସୁଛନ୍ତି। ଡଃ. ବି ରବି କରୋନାରେ ଅନେକ ରୋଗୀ କୁ ଡାକ୍ତର ଖାନା ପହଞ୍ଚାଇବା ଓ ଅସହାୟ ଲୋକଙ୍କୁ ଖାଦ୍ୟ ପ୍ରଦାନ କରିବା ଓ ଶିକ୍ଷା ରୁ ବଞ୍ଚିତ ହୋଇଥିବା ଶିଶୁ ଙ୍କୁ ଆର୍ଥିକ ସହଯୋଗ କରିବା ପ୍ରମୁଖ ଭୂମିକା ରହିଥିଲା। ଏ ଦୁଇ ଜଣ ସମାଜ ସେବୀ ଙ୍କୁ ବୁଦ୍ଧିଜୀବୀ ମହଲରେ ପ୍ରଶଂସାର ସୁଅ ଛୁଟିଛି।