!!! କଳାହାଣ୍ଡି ରୁ ଜିଲ୍ଲା ପ୍ରତିନିଧି ରଜନୀକାନ୍ତ ସମରଲିଆ ଙ୍କ ରିପୋର୍ଟ୍ !!!
ଏଥର ସମ୍ଭାଳ(କଳାହାଣ୍ଡି) – କେନ୍ଦ୍ର ସରକାରଙ୍କ ନୂତନ କୃଷି ଆଇନ କୁ ବିରୋଧ କରି ସଂଯୁକ୍ତ କିଷାନ ମୋର୍ଚ୍ଚା ପକ୍ଷରୁ ଭାରତ ବନ୍ଦ ଡାକରା ଦିଆଯାଇଥିଲା। ଏହାର ପ୍ରଭାବ ସମଗ୍ର କଳାହାଣ୍ଡି ଜିଲ୍ଲାରେ ଦେଖିବାକୁ ମିଳିଥିଲା। ଜିଲ୍ଲାର ଜୟପାଟଣା, ଜୁନାଗଡ଼, କୋକସରା, ଧର୍ମଗଡ,ଥୁଆମୂଳ ରାମପୁର , କଲମପୁର, କେସିଙ୍ଗା , ଗୋଲାମୁଣ୍ଡା ସମେତ ଜିଲ୍ଲା ସଦରମହକୁମା ଭବାନୀପାଟଣା ଠାରେ ମଧ୍ୟ ଏହାର ପ୍ରଭାବରେ ସାଧାରଣ ଜୀବନଯାତ୍ରା ଏକପ୍ରକାର ଠପ୍ ହୋଇଯାଇଛି। ବନ୍ଦରେ ସାମିଲ ସଂଗଠନ ଗୁଡ଼ିକ ସରକାରଙ୍କ ଜନବିରୋଧୀ କଳା କୃଷି ଆଇନ କୁ ରଦ୍ଦ କରି ଏମ୍ ଏସ୍ ପି କୁ ପୁନଃ ପ୍ରଚଳନ କରିବା, ଅତ୍ୟାବଶ୍ୟକୀୟ ସାମଗ୍ରୀର ଦରବୃଦ୍ଧିକୁ ରୋକିବାରେ ବିଫଳ ହେବା, ରାଷ୍ଟ୍ରାୟତ ଉଦ୍ୟୋଗ ଗୁଡ଼ିକୁ ଘରୋଇକରଣ,ବେରୋଜଗାର, ଶିକ୍ଷା, ସ୍ଵାସ୍ଥ୍ୟ, ନିଯୁକ୍ତି ପ୍ରତ୍ୟେକ କ୍ଷେତ୍ରରେ ବିଫଳ ହୋଇଥିବା ଅଭିଯୋଗ କରି ଆଜିର ଏହି ବନ୍ଦ ଡାକରା ଦେଇଛନ୍ତି।
କଳାହାଣ୍ଡିରେ ସଂଯୁକ୍ତ କିଷାନ ମୋର୍ଚ୍ଚାର ଏହି ଡାକରାକୁ ବିରୋଧୀ କଂଗ୍ରେସ ଦଳ ବ୍ୟତୀତ ଭୀମ ଆର୍ମୀ ଭାରତ ଏକତା ମିଶନ ପକ୍ଷରୁ ରାଜ୍ୟ ଉପ-ସଭାପତି ଆଶିଷ ରଞ୍ଜନ ନାଏକ, ସଞ୍ଜୟ ମେହେର, ସିପିଆଇ (ଏମ୍) ନେତା ପୂର୍ଣ୍ଣ ପ୍ରଧାନ,ଏ ଆଇ ୱଇ ଏଫ୍ ର ଜିଲ୍ଲା ସଭାପତି ଅଗଷ୍ଟ ନାଏକ, ସଞ୍ଜୟ ସୁନାନୀ, ସୁରେଶ ଚନ୍ଦ୍ର ମାଝୀ, ଖଣ୍ଡୁଆଳମାଳି ସ୍ଥାୟୀ ସୁରକ୍ଷା ସମିତି କର୍ଲାପାଟ ସତ୍ୟ ମାହାର ,ବ୍ରିଟିଶ କୁମାର,ଏ ଆଇ ସି ଟି ୟୁ ର ବିଶ୍ଵଜିତ ଚାଟାର୍ଜୀ, ନବ ପଟ୍ଟନାୟକ, ଶ୍ରମିକ ନେତା ଗୌର ନାଏକ,ଚନ୍ଦନ ଓ. ଏସ୍.ଆର.ୟୁ ର ଜିଲ୍ଲା ଉପ-ସଭାପତି ହେମନ୍ତ ପଣ୍ଡା,ସଂପାଦକ ପ୍ରାବଲ୍ୟ ପ୍ରୀତି ରଞ୍ଜନ ଦାସଙ୍କ ସମେତ ବିଭିନ୍ନ ଶ୍ରମିକ ସଂଗଠନର କର୍ମକର୍ତ୍ତା ମାନେ ଯୋଗଦାନ କରିଥିଲେ। ଭବାନୀପାଟଣା ସହରର ନକଟିଗୁଡା ଛକ,ଘୋଡାଘାଟ ଛକ, କଲେଜ ଛକ ଠାରେ ରାସ୍ତା ଅବରୋଧ କରିଥିଲେ। ସେହିପରି ପିକେଟିଂ କରି ସରକାରୀ କାର୍ଯ୍ୟାଳୟ ଓ ଦୋକାନ ବଜାର ବନ୍ଦ କରିଦେଇ ଥିଲେ। ସ୍ଵାସ୍ଥ୍ୟସେବା ଭଳି ଜରୁରୀକାଳୀନ ସ୍ଥିତି ରେ ହିଁ ଯାନବାହାନ ଚଳାଚଳ କରିଥିଲା। ବିକ୍ଷୋଭକାରୀମାନେ ସରକାରଙ୍କ ଜନବିରୋଧୀ ନୀତି ର କଡ଼ା ସମାଲୋଚନା କରି ସ୍ଲୋଗାନମାନ ଦେଇଥିଲେ ।