ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – ବେଧଡ଼କ ଚାଲିଥିଲା ବେଆଇନ ମୃଦୁ ପାନୀୟ ଫ୍ୟାକ୍ଟ୍ରି। ଖବର ପାଇ ଫ୍ୟାକ୍ଟ୍ରି ଉପରେ ଚଢ଼ାଉ କରିଛି ପୁଲିସ। ପାଟପୁର ଥାନା ଖଣ୍ଡଦେଉଳି ଗ୍ରାମର ଏକ ଘରେ ଚାଲି ଥିଲା ଏହି ଫ୍ୟାକ୍ଟ୍ରି। ଫ୍ୟାକ୍ଟ୍ରିରେ ପ୍ରସ୍ତୁତ ହେଉଥିଲା ବିଭିନ୍ନ ନକଲି ବ୍ରାଣ୍ଡର ପାଣି ମୃଦୁ ପାନୀୟ କୁର କୁର। ପୁଲିସ ଚଢ଼ାଉ କରି ପ୍ୟାକିଙ୍ଗ ମେସିନ ସହ କେମିକାଲ ଓ ବିପୁଳ ପରିମାଣର ପ୍ରସ୍ତୁତ ସାମଗ୍ରୀ ଏବଂ ଲୋଗୋ ଜବତ କରିଥିବା ସୂଚନା ମିଳିଛି। ସେଠାରୁ ୨୫ ଲକ୍ଷରୁ ଊର୍ଦ୍ଧ୍ୱ ସାମଗ୍ରୀ ଜବତ ହୋଇଛି। ଏ ନେଇ ପାଟପୁର ଅତିରିକ୍ତ ଜିଲ୍ଲା ଆରକ୍ଷୀ ଅଧିକ୍ଷକ ଠାକୁର ପ୍ରସାଦ ପାତ୍ର ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି। ଏହି ଘଟଣାରେ ସମ୍ପୃକ୍ତ ଥିବା ଆଶିଷ କୁମାର ମଣ୍ଡଳକୁ ପୁଲିସ ଗିରଫ କରିଛି। ଆଶିଷ ନାଁରେ ଥାନାରେ କେସ୍ ନଂ ୧୯୦/୨୧ ରେଜିଷ୍ଟର କରାଯାଇ କୋର୍ଟ ଚାଲାଣ କରାଯାଇଛି। ଜବତ ମୃଦୁ ପାନୀୟକୁ ଫୁଡ୍ ସେଫଟୀ ବିଭାଗକୁ ପଠାଯାଇଛି। ବେଆଇନ ଭାବେ ଚାଲିଥିବା ମୃଦୁ ପାନୀୟ ସକାଶେ ବିଭିନ୍ନ ନାମୀଦାମୀ ଲେଭଲ ବ୍ରହ୍ମପୁର ଆଣୁ ଥିବା ନେଇ ଅଭିଯୁକ୍ତ ସ୍ୱୀକାର କରିଛନ୍ତି।
ବେଆଇନ ମୃଦୁ ପାନୀୟ ଫ୍ୟାକ୍ଟ୍ରି ଜବତ ..!
